ًٌَُعــًًَُُْــــــــْ~ــــرٌُوَسَ الـــْـــًٌَُــًَزِْيًََبًُــــــــًٌَُـــــِْ~ـــــــٌَُانُ
اهلا بزوارنا الكريم استغل الفرصة وقم بالتسجيل

ًٌَُعــًًَُُْــــــــْ~ــــرٌُوَسَ الـــْـــًٌَُــًَزِْيًََبًُــــــــًٌَُـــــِْ~ـــــــٌَُانُ


 
الرئيسيةالتسجيلمكتبة الصورالأعضاءس .و .جبحـثالمجموعاتدخول

شاطر | 
 

 ابوذيات

اذهب الى الأسفل 
كاتب الموضوعرسالة
الامبراطور
عضو نشيط
عضو نشيط


ذكر
عدد الرسائل : 48
العمر : 33
الموقع المفضل : المنير نت
السٌّمعَة : 0
نقاط : 3958
تاريخ التسجيل : 18/10/2007

مُساهمةموضوع: ابوذيات   الأحد مايو 18, 2008 12:59 pm

أبوذية ودارمي

عليّ ثوب الونــــين اشكثـــــــر .. حالي
شباب وهل شبت مـــــــــــــــن دون .. حالي
انشدچ على احوالچ مثــــــــــــــــــل .. حالي
طايــــــــح والهموم اتشيل بيـه

هموم هواك ما خلــــــــن .. علي حال
فريضة وحبك مــــــــــــــــــــن الله .. علي حال
يالتنشد على حالـــــــــــــــــــي .. علي حال
شيفيد النشد عالصار بيـه

الج بس انتي گلبـــــــــــــــي .. ورجيته
ودمع العـــــــــين يمــــــــــــــــــــــچ .. ورجيته
ابتعد كلمــــــــــــــــــــن نخيتــــــه .. والرجيته
ولا واحد اجانـي وحن عليه

رعيتك ليش گلبــــــــــك .. ما رعاني
ويهمــــك فت دليلــــــــــــــــي .. وما رعاني
مره احبس بدمعــــــــــــــــي .. ومره اعاني
ومره اتطيح روحي ابين اديـــه

هجرك ياولف صايــــــــــــر .. بلا حد
مثــــل سيف اليگص رگبــــــــــه .. بلا حد
رحت وآنه انتظـــر ترجــــــــــــــــع .. بالاحد
اجه الاحـــد ويمتـه اتعود اليــه

احد سچين صبري وچـــــن .. ولاحد
التفت وما شفــــت ربعــــــــــــي .. ولا حد
شچم سبت اليمــــــــر بيــــــــــه .. والاحد
اجي بس شوفتــچ تصعب عليه

لتهم بالعمر خلصـــــان .. وحـــــده
وأنا ضعني سرى بالهــــــــوى .. وحــــــده
حلت جنها بعيونــــــــــك غير .. وحــــــــده
وگمت لاتسأل ولاتمـــــر بيه

غيرچ ماحلى ابعينـــــــــي .. ولاطاب
ولا دونچ دخل گلبــــــــــــــــــــي .. ولاطاب
يجرحي وياچ ماهَّــــــــــــــــــــود .. ولاطاب
دم ينزف ولا تدريـن بيــه

محبتك تجري وي روحــي .. ويدماي
وعليك انشلت اعظامــــــــــــــي .. ويدماي
انچويت أبأيـــــــــد أنا نـــــــــــاري .. ويدماي
ولكن مـــــن يطابگهـن سويه

عليچ الروح راحــــــــــــت .. من يردهه
أوكيحه اهمومي صــــــــــــارت .. من يردهه
خطيه الروح ملـــــــــــــــــــــــت .. من يردهه
لأن بس الصبر لبس العليـه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ابوذيات
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ًٌَُعــًًَُُْــــــــْ~ــــرٌُوَسَ الـــْـــًٌَُــًَزِْيًََبًُــــــــًٌَُـــــِْ~ـــــــٌَُانُ :: @@@ منـــتدبات الادبـــيه @@@ :: منتدى الشعر الشعبي الجزائري-
انتقل الى: